.. ,, ..

લખતા આવડે છે કે નહી, એ ખબર નથી!

પણ વિચારોને ઘણીવાર કાગળ પર ઉતારી લઉ છું 

.

વાંચતા આવડે છે કે નહી, એ ખબર નથી!

પણ બીજાના મન ને જાણવાની કોશીશ કરી લઉ છું

.

જોતા આવડે છે કે નહી, એ ખબર નથી! 

પણ પોતાના કર્મોની ઝલક અચુક લઇ લઉ છું

.

ચાલતા આવડે છે કે નહી, એ ખબર નથી! 

પણ રણમાં પાણીના આભાસથી દોટ મૂકી દઉ છું

બોલતા આવડે છે કે નહી, એ ખબર નથી! 

પણ અપશબ્દ નીકળ્તા પહેલા જીભને સંભાળી લઉ છું 

.

સાંભળતા આવડે છે કે નહી, એ ખબર નથી! 

પણ મળેલી સાચી સલાહ

જીવનમાં આવરી લઉ છું 

.

વ્યક્ત કરતા આવડે છે કે નહી, એ ખબર નથી! 

પણ આ સંસારમાં મારો લખાયેલો ભાગ ભજવી લઉ છું

.

જીવતા આવડે છે કે નહી, એ ખબર નથી!

પણ ક્ષણ ક્ષણ માંથી નાની મોટી ખુશીઓ છીનવી લઉ છું. . . . 

. , , .

નથી ગમતું,.........

,,,

કોઈની નાવ ડૂબાડીને તરવાનું નથીગમતું,

બીજાના જીવના ભોગે જીવવાનું નથીગમતું.

ભલેને લાખ અમને છેતરે દુનિયાના ઇન્સાનો,

બનીને સ્વાર્થના સાથી છલવાનું નથી ગમતું.

અમે સમજ્યા છીએ આંસુ અને રુદન તણી કીમત,

કોઈના આંસુ પર મુસ્કરાવાનું નથીગમતું.

ખસી જઈશું જો લાગે કે બન્યો છું રાહનો પથ્થર,

બનીને રાહનો પથ્થર નડવાનું નથી ગમતું.

નથી ઝગડો અમારે કોઈની સાથેય દુનિયામાં,

ટૂંકી છે જિંદગી લાંબુ ઝગડવાનુંનથી ગમતું.

,,,,

મારી માં......

એક નાના બાળક ને પૂછવામાં આવ્યું કે તારા ઘર માં સાચું કોણ બોલે છે ?
તારી નવી માં કે
પછી તારી સાચી માં ?

 છોકરા એ જવાબ માં કહ્યું...
 મારી નવી માં સાચું બોલે છે ...અને મારી સાચી માં ખોટું બોલતી હતી...
.
ત્યાં બેઠેલા બધા નવાઈ પામ્યા કે આવું હોવુજ અશક્ય છે.
બધા એ કહ્યું શું ખરેખર આવું જ છે ?
.
છોકરા એ કીધું હા, હું જયારે પણ મસ્તી કરું છૂ ત્યારે મારી નવી માં મને વઢે છે કે
જો તું મસ્તી કરીશ તો હૂં આજે તને જમવાનું નહિ આપું અને એ
મને નહોતી જ આપતી.
પણ મારી સાચી માં મને ફક્ત વઢતી જ હતી જમવાનું તો એ દરરોજ આપતી જ હતી...

.

બાગમાં ક્યાં હવે ફરે છે સનમ.......

 બાગમાં ક્યાં હવે ફરે છે સનમ

વેબસાઇટ ઉપર મળે છે સનમ

ફ્લોપિ ડિસ્ક જેવો આ ચહેરો તારો

અન્ય ઉપમા તો ક્યાં જડે છે સનમ

મૅમરીમાં ય હું સચવાયો નહીં

તું મને સૅઇવ ક્યાં કરે છે સનમ

ડબલ્યુ ડબલ્યુ ડબલ્યુની પાછળ

ડૉટ થઈને તું ઝળહળે છે સનમ

આ હથેળીના બ્લૅંક બૉર્ડ ઉપર

સ્પર્શની કી જ ક્યાં મળે છે સનમ

શી ખબર કઈ રીતે ડીકોડ કરું

સિલિકોન ચિપ કશું કહે છે સનમ

ક્યાં છે રોમાંચ તારા અક્ષરનો

ફક્ત ઇ- મેઇલ મોકલે છે સનમ

દિલની ધડકન છે સૉફ્ટવેર હવે

એને ગ્રૅફિકમાં ચીતરે છે સનમ

લાગણી પ્રૉગ્રામ્ડ થઈ ગઈ છે

ઍંટર ઍક્ઝિટ ફક્ત કરે છે સનમ

આંખ મારી આ થઈ ગઈ માઉસ

કિંતુ વિંડો તો ક્યાં ખૂલે છે સનમ

,,,

આજે પણ તમારી આંગળી પકડી હું ચાલવા માંગું છું.....

આજે પણ તમારી આંગળી પકડી

હું ચાલવા માંગું છું..... 

નાના નાના હાથો થી

તમારી આંગળી પકડી હું ચાલી છું,

પણ આ જગત ની ચાલથી,

હજી હું અનજાન છું,

મારો હાથ તમારા હાથ માં મુકીને,

આ ચાલ શીખવા માંગું છું,

આજે પણ તમારી આંગળી પકડી

હું ચાલવા માંગું છું.....

સારા સંસ્કાર,સુ-વિચાર આપ્યા,

પણ અનુભવ તમારી પાસે રહી ગયા,

વર્ષો પછી જે મળે છે

તે અનુભવ તમારી પાસે રહી ગયા,

તમારા અનુભવ નો હું લાભ લેવા માંગું છુ.

આજે પણ તમારી આંગળી પકડી

હું ચાલવા માંગું છું.....

ધીમા ધીમા પગલા ધીરેથી તેઝ થઇ ગયા,

બાળપણ નો સાથ તો ધીમેથી છૂટી જાય,

તેઝ પગલા તમારા જોજો ધીમા પડી જશે,

વૃદ્ધાવસ્થા તમને પણ ધીરેથી આંબી જશે,

ધીમા તમારા પગલાને

ગતિ હું આપવા માંગું છું,

તમારો હાથ પકડીને

તમને જ હું ચલાવવા માંગું છું..........

આજે મને મારું નાનપણ યાદ આવ્યું,....

"આજે મને મારું નાનપણ યાદ આવ્યું,

એક હસતું રમતું નગર યાદ આવ્યું,

આજે ખોલ્યો મેં મારો બંધ પીટારો, ને,

નિર્દોષ, માસુમ નઝરાણું મળી આવ્યું,

ફાટેલું દફતર ને, તુટેલા રમકડાં, 

નાની ઢીંગલી ને, પાંચ પાચીકા,

શંખ છીપલાં ને, મોર નું એક પીછું,

પુસ્તક માં રાખેલું એક ફૂલ સુકાયેલું, 

ઉંમર નાં વહન માં ક્યાંક ખોવાયેલું,

મને મારું નાનપણ યાદ આવ્યું....."

by -પ્રિયંકા ગજ્જર (પંછી)

.

એક ભૂલ કરી લવ છું

એક ભૂલ કરી લવ છું

તનહાઈને જીવનમાંથી બાદ કરી લઉં છું !......કોઈ નહીં તો અરીસા સાથે વાત કરી લઉં છું !

મને શું કામ રંજ હોય તારા ના મળવાનો..... તારા ભ્રમ સાથે રોજ મુલાકાત કરી લઉં છું !

મને શું કામ રંજ હોય તારા ના મળવાનો..... તારા ભ્રમ સાથે રોજ મુલાકાત કરી લઉં છું !

તસલ્લી તો રહે દિલ ને કોઈ ને હરાવવાની...... લડું છું જાત સામે જ અને મહાત કરી લઉં છું !

ખુદા, તું પણ છેવટે તો રહ્યો આ કળયુગનો..... તારી સામે પણ લાંચની રજૂઆત કરી લઉં છું !

એટલો પણ ખરાબ નથી કે તને બેવફા કહું,...... હું પણ અરીસો જોવાની તાકાત કરી લઉં છું.

:
by Amit Küßävät

કોને ખબર કોને ક્યાં જવું છે??

                                                                કોને ખબર કોને ક્યાં જવું છે??

દોડે છે બધા પણ મંઝિલ દૂર છે…!!

ચાલવું પડે છે માટે ચાલે છે બધા…

બાકી કોને ખબર કોને ક્યાં પહોંચવું છે…??

સંગાથ મળેને વાટ પકડી લે છે…

કોણ પૂછે એ વાટનો મુકામ ક્યાં છે…??

જુદા-જુદા માર્ગે જુદા-જુદા

ધામે પહોંચે છે લોકો…

અહીં નીજ-ધામે પહોંચવાનો

રસ્તો કોને ખબર છે??

આગળ રહેવાની હોડમાં

ટાંટિયાખેંચ છે બધે…

આગળ રહીને પણ કોને શું

મેળવવું છે કોને ખબર છે??